La canzone napoletana, passione e sentimento

Elenco alfabetico canzoni presenti su midi-miti-mici.it

A-B C-D E-F-G-H-I J-K-L M-N O-P-Q-R da S a Z

La canzone napoletana, passione e sentimento - 7

'E pperle d'a Madonna(versi di Michele Galdieri, musica di Giuseppe Bonavolontà)-1947

TESTO

S'hann'arrubate 'e pperle d'a Madonna d'a Pietà
Chi ll'ha pututa fa'
'sta brutta 'nfamità?
Chist'è'nu sacrileggio e chi ll'ha fatto ha da pavà...
Ddio ll'ha da castigà...
-(Zitta mammà!)
-Tu?
Te ll'hè pigliate tu?!
Te ll'hè arrubate tu?!
'e pperle d'a Madonna?!
Ma comm'è stato? comm'hè pututo?
I' buono e onesto t'aggiu crisciuto..
figlio mio bello..Chi t'ha perduto?
Te ll'hè pigliate tu?!
Cu' chesti mmane?! Tu?!

- Signore magistrato, cunzentiteme 'e parlà...
Vuje cu' severità
ll'avita ggiudicà...
Io stessa, ca sò a mamma, nu 'o pozzo perdunà...
Però.. credite a mme,
'nfamo nun è!...
'A colpa è de sta guerra
ca 'e figlie nuoste ce ll'ha cagnate...
Ca 'o core 'a pietto ce ll'ha sceppato
si pure 'e ddio se sò scurdate!
Ll'avita cundannà...
ma avita avè pietà!...

- Diece anne!...E quanta mamme sventurate comm'a mme
te veneno a pregà.
Madonna d'a Pietà?
'Sti figlie malamente t'e mettimmo 'mbraccia a tte...
tu sola 'e ppuò aiutà...
'e ppuò ssalvà!
Tu...
si mamma pure tu...
e tu 'e ccapisce, tu
'sti mamme addulurate!
Vi' quante lacreme hannu chiagnute...
Sò tutte perle ca t'annu date...
Maje 'na cullana cchiù ricca hè avuta!...
Mò ce ll'hèa salvà Tu
'sti figlie nuoste!...Tu!

Finale.
Madonna d'a Pietà!

Elenco alfabetico canzoni presenti su midi-miti-mici.it