MUSICA M.I.D.I. MITI RACCONTI POPOLARI E VARIA ATTUALITA'

Sta miss 'nciucio(autori: De Angelis - Galdieri - Gigante, Di Gennaro; anno: 1959; interpreti: Aurelio Fierro, Maria Paris, Jula De Palma, Peppino di Capri)

O "Vico Stuorto Purgatorio ad Arco"
sarria 'nu Paraviso, ma è n'Inferno...
è 'o diavolo che attizza 'o ffuoco eterno,
è 'na figliola bella comm'a cche!
Si a vedite... è 'na pupata,
cu' dduje uocchie... 'nu velluto,
cu' 'na vocca..., 'nu granato...
ma 'na lengua... marammè
(coro: marammè... ma chi è!)
Ritornello:
Passa e spassa Misse 'Nciucio...
ciu-ciu-ciu... nun trova pace
si nun mette 'a ggente 'ncroce
si nun 'nciucia... ciu-ciu-ciu... sta Misse 'Nciucio!
"Donna Rosa e Pascalina..."
"Gennarino e Ntunetella..."
Ciu-ciu... chisto; ciu-ciu...chella...
manco a mme me fa campà!
Passa e spassa Misse 'Nciucio
ll'accedesse.. ma mme piace!
Tene 'o core comme 'a pece,
ma mme piace... ch'aggia fà?...sta Misse 'Nciucio!

Mme piace a mme, ma pure all'ate piace.
Ll'amice so' nnemice pe' 'sta spina...
ma ce se azzuppa 'o ppane, 'a marmuttina
ca tutto fa, pe' ce fa' ntussecà!
Si facimmo a ccàuce e pponie,
pe' 'nu 'nciucio e 'na zizzania
sarrecrea... ch'è proprio 'a smania
'e vederce appiccecà!...
(Coro: ?nzorfa 'a ccà!... 'nzorfa 'a llà!...)
Eventuale II ritornello per Finale:
Passa e spassa Misse 'Nciucio...
ma è cchiù ghianca d' 'a vammace...
ll'uocchie so' ddoje luce-luce
ch'io m'abbrucio p' 'e guardà...sta Misse 'Nciucio!
Core mio che me cunziglie?
Che succede si mm'a piglio?
Saje che 'mbruoglie e che battaglie
si mm'a sposo, oggi 'affruntà?...Cu Misse 'Nciucio!
Ca si pure po mm'a porto
'ncopp' 'a n'isola deserta
cu' ll'aucielle, cu' 'e llacerte
mme fà certo appiccecà!...
Mammamia!... 'Sta Misse 'Nciucio
l'accedesse, ma mme piace...
Nun sarrà 'na vita doce...
ma mm' 'a sposo...Ch'aggia fà?...Sta Misse 'Nciucio!