MUSICA M.I.D.I. MITI RACCONTI POPOLARI E VARIA ATTUALITA'

Bellavista(autori: musica di Giovanni Donnarumma, versi di Francesco Fiore; anno: 1939; interpreti: Enzo Romagnoli, Giulietta Sacco, Lina Fiore, Peppino Brio

Testo:
Veniteme a truva',
sto' a Bellavista...
tengo na bella casa
bene esposta:
doje logge,
tre balcune, tre feneste,
na tavula 'e mangia'
pe' vinte poste...
Veniteme a truva'
sto' a Bellavista.
Vuje purtate duje spaghette,
quacche poco d'antipasto,
seje galline, tre caprette,
na canesta cu 'e pullaste...
Nu bicchiere 'e vino buono
nun mm''avit''a fa'manca'.
ch'io ve canto na canzone
ca ve faccio cunzula'!...
Veniteme a truva'
sto' tanto triste
surtanto ll'aria bona
nun mm'abbasta...
Io voglio sta'
cu 'amice sempe 'nfesta...
(nun ve scurdate
'a cesta cu 'e pullaste...)
Veniteme a truva'
sto' a Bellavista...
Vuje purtate
un po' di pesce:
treglie, spigole e aragoste...
e si po' nun ve rincresce,
frutta, strega, birre e paste...
Se vi capita un prosciutto
mme ll'avit''a fa' vede'..
ricurdateve 'o paccotto
chino 'e zuccaro e cafe'...
Veniteme a truva'
sto' a Bellavista,
io tengo appena
diece figlie e basta...
so' piezz''e core
ma so' troppo 'nziste...
nu regaluccio a testa
che ve costa?
Venitele a truva'
a sti cammurriste...
Vuje purtate duje bracciale,
tre rilorge, e tre catene...
n'automobile a Pascale,
nu curredo a Filumena...
E pe' fa' na cosa meglio,
na pelliccia pure a me...
nu brillante per mia moglie
di carati trentatre'...
Finale:
Ricurdateve 'e spaghette
con il poco di antipasto,
'e ggalline, 'e tre caprette,
'a canesta cu 'e pullaste;
e 'o barile 'e vino buono
nun mm''avit''a fá mancá...
ch'io ve canto na canzone
ca ve faccio cunzulá!...