MUSICA M.I.D.I. MITI RACCONTI POPOLARI E VARIA ATTUALITA'

Spatella 'argiento(Autori: Albano, Vento, Moscarella; anno: 1955; interpreti: Aurelio Fierro, Tony Bruni, Sergio Bruni, Gino Morelli, Raffaella De Simone)

Tu mm'hê ditto ca 'int' 'e capille,
ca só' d'ebano, anèlle, anèlle,
porta spisso mo na spatella,
pe' mme pógnere 'o core a me....
'o core a me.

A che serve 'sta buscìa?
Sacc'io 'o ppecché.
Sarrà meglio si cagne via,
sarrà meglio pe te e pe'mmé.

Ritornello:
Si ce ll'hê dato tu chella spatella,
fattella riturnà, nun fà cchiù 'o bbello
o, quacche ghiuorno, 'a frennesia mme piglia
e quel gingillo pò servì pe'tté.
Io, perciò, te cunziglio oje ni',
quella donna làssala stà.
" Spatélla 'argiento" vò' bene a me.
" Spatélla 'argiento" nun è femmena pe'tté.

Nun è overo, mm'ha ditto 'a gente,
dint' 'e ricce nun porta niente.
Chella, sulo si 'o vede e 'o sente,
chiagne e prega, penzanno a te.

Penzanno a te.

Si t'è cara 'a casa e 'a vita,
làssala stà.
Anze, porta nu core 'e vuto
â Madonna, pe'tté e pe'mmé.

Ritornello:
Si ce ll'hê dato tu chella spatella, ecc..ecc...
Finale:
Spatélla 'argiento, vò' bene a me.

Sopra stampa tratta da "Usi e Costumi di Napoli e contorni descritti e dipinti", una riedizione pubblicata da Marotta editori, ma edita per la prima volta da Francesco de Bourcard nel 1857. Nella stampa viene raffigurato un venditore di caponi che abbannia la sua mercanzi.