MUSICA M.I.D.I. MITI RACCONTI POPOLARI E VARIA ATTUALITA'

'Nnammurate dispettuse(duetto con musica di Fulvio Rendine, versi di Giuseppe De Crescenzo 1957)

Lui:
Facimmo un'arte d' 'a matina a' sera:
io so' e ttu votabansdiera.
Lei:
A sta bandiera mia nun scioscia viento:
'o viento scioscia a tte; ma statte attiento.
Lui:
Pe' tte sto perdenno na fortuna.
Guardate llà, per cchella faccia 'e luna.
Lei:
Vedite che garofano schiavone,
vattenne: tu si' 'o primmo chiaccherone.
1°Ritornello
Lui:
Si me sposo a Mariannina
aggio 'a casa a Margellina.
Lei:
Si me sposo a Salvatore
saglio e scengo cu' ascensore.
Lui:
Quanno vaco pe' Tuleto,
porto 'a sciassa e 'o servo arreto.
Lei:
Quanno vaco p' 'a Riviera
porto 'a musica e 'a bandiera.
Lui:
Si me sposo a Mariagnese
faccio 'o sinnaco a 'o paese.
Lei:
Si me sposa a Giambattista
so' a regina 'e Bellavista.
A due:
Me voglio cunzulà. Voglio abballà,
voglio cantà.
Nu ricco matrimonio voglio fa'.
Lui:
Si tu me cirche scusa 'e st'incidente
io te perdono e dico nun fa niente.
Lei:
Io? Si te veco addenucchiato 'nterra
te dico sempe no. Dichiaro guerra.
Lui:
Hè fatto 'a faccia bianca e nun t'arrienne:
aggiu capito, iammo, vienetenne.
Lei:
Pecchè nun te ne vaie?! Chi te mantene?
Te n'apprufitte ca te voglio bene?
2°Ritornello
Lui:
Si me sposo a Mariannina
a chi 'o ddico "cassatina"?
Lei:
Si me sposo a Salvatore,
a chi 'o ddico "dolce amore"?
Lui:
Tiene 'e llabbra d' 'a vucchella
comm' 'a vocca 'e na rusella.
Lei:
E tu tiene sti capille
ricciulille, ricciulille.
Lui:
Tu, d' 'e belle si' 'a cchiu bella
ma, pecché siì pazzarella?
Lei:
Tu, si' ppazzo e si' 'mpicciuso
capetuosto e curioso.
A due:
Turnammo n'ata vota a 'ccummincià?
Ma che vvuo' fa'?
Ma tengo 'e nierve, e ttu nun m'hè 'a scuccià.
Finale:
Lui:
'E dammillo nu vasillo
picerillo piccerillo.
Lei:
Uno sulo, ampresso ampresso
ca si no vuò 'o riesto appriesso.
A due:
Iammuncènne, vocca doce:
ma facimmoce capace
ca si pure stammo 'ncroce;
nuie, facimmo sempe pace.
Na pace ca mez'ora po' durà
pecchè, si sa,
ll'ammore, quann'è ammore, chesto fà.