La canzone napoletana, passione e sentimento

Elenco alfabetico canzoni presenti su midi-miti-mici.it

A-B C-D E-F-G-H-I J-K-L M-N O-P-Q-R da S a Z

La canzone napoletana, passione e sentimento - 15

'Nbracci' a mme!

Musica di Ernesto Tagliaferri, versi di Ernesto Murolo

Guarda oi nè...
guarda oi nè...
spunt'a luna e ride 'o cielo.
canta 'o mare...
guarda oi nè...
Ll'aria è blù...
Murenno a mmare 'o sole sta...
nnanz'a tte
'sta luna rossa saglie e va...
che profumo p' 'a campagna...
durmarria stanotte ccà...
Ritornello:
Ammore! Ammore! Ammore!
te tengo 'nbracci' a mme!
fra 'o bicchiere 'e prucetano,
fra nu vaso tuio sincero,
faccio ammore cu stu mare,
cu Pusilleco e cu tte!...

Nun parlà...nun parlà...
sulitario mmiez' 'e ffronne
'st'usignolo vò cantà....
Ntennerì
te veco ll'uocchie... E' overo o no?...
Ch'anzietà
ca tengo mmocca 'e te vasà...
Dà nu muorzo a 'stupercuoco...
...doppo mozzeco pur' i'...
Ritornello:
Ammore! Ammore! Ammore! ecc.

Ma pecchè? Ma pecchè...
So' ffelice e tutto nzieme
tengo 'o core scuro...oi nè?
Ma che vò
chesta campana?...Che sarrà?
Siente tu
'na voce 'e lagreme cantà?
Ritornello:
Ammore! Ammore! Ammore! ecc.
Finale:
Giurammello vita mia,
ca maie cchiù me vuò lassà...
Ma no! Tu mme vuò bene...
te tengo 'nbracci' a mme...
e tu asciuttele cu 'e vase
tutt'e llagreme 'e 'stu core,
ch'esce pazzo pe 'stu mare,
pe' Pusilleco e pe' tte!

Sopra stampa tratta da "Usi e Costumi di Napoli e contorni descritti e dipinti", una riedizione pubblicata da Marotta editori, ma edita per la prima volta da Francesco de Bourcard nel 1857.

Elenco alfabetico canzoni presenti su midi-miti-mici.it