La canzone napoletana, passione e sentimento

Elenco alfabetico canzoni presenti su midi-miti-mici.it

A-B C-D E-F-G-H-I J-K-L M-N O-P-Q-R da S a Z

La canzone napoletana, passione e sentimento - 15

NDRINGHETE NDRA'

Musica di Giuseppe De Gregorio, versi di Pasquale Cinquegrana - 1895

Carmenella è na bella figliola!...
vénne ll'acqua gelata, â stagione...
Gelata, â stagione...
Gelata, â stagione...

Comme spriémme stu bellu limone,
tu mme spriémme stu core, Carmè'...
Stu core Carmè'...
Stu core Carmè'...

Tutt''a vònno a 'sta bella acquajola,
ma nisciuno s''a piglia, pecché?...

E pecché?...Pecché...ndrínghete ndrá,
'mmiez'ô mare nu scoglio nce sta...
tutte vènono a bevere ccá
pecché...ndrínghete, ndrínghete, ndrá!

Dint''e ffeste, nu giovane 'e fore,
ll'ha veduta e s'è fatto tantillo...
S'è fatto tantillo...
S'è fatto tantillo...

S'è scurdato 'e mammélla e tatillo
e a 'o paese nun vò' cchiù turná...
Nun vò' cchiù turná...
Nun vò' cchiù turná...

Carmenè' ve vulesse spusare!
Giuvinò', nun è cosa...pecché...

E pecché?...Pecché...ndrínghete ndrá,
.............................................................

E' passato nu bellu surdato...
s'è fermato vicino a Carmela...
Vicino a Carmela...
Vicino a Carmela...

Sta manella 'int'a ll'acqua se gela,
si mm''a stienne t''a 'nfoco Carmè'...
T''a 'nfoco Carmè'...
T''a 'nfoco Carmè'...

Mo fernesco sta ferma e te sposo...
Capurá' nun è cosa...pecché...

E pecché?...Pecché ndrínghete ndrá,
...........................................................

Ma tenesse 'o marito 'ngalera?
Carmenella nun è mmaretata...
Nun è mmaretata...
Nun è mmaretata...

Ma tenesse 'a parola 'mpignata?
Carmenella ll'ammore nun fa...
Ll'ammore nun fa...
Ll'ammore nun fa...

Ma ched è, nun lle giova 'o marito?
Ma pecché nun se vò' mmaretá?

E pecché?...Pecché ndrínghete ndrá,
...........................................................

Elenco alfabetico canzoni presenti su midi-miti-mici.it