MUSICA M.I.D.I. MITI RACCONTI POPOLARI E VARIA ATTUALITA'

Giuvanne simpatia (autori: versi di Nello De Lutio, musica di Giuseppe Cioffi; anno: 1969; interpreti: Aurelio Fierro, Luciano Rondinella, Sergio Bruni)
IL TESTO:
ene 'll'uocchie avvellutate, oro e viole,
comm'a nu tramonto a Napule d'està,
sta figliola è a cchiù bella d'e figliole
proprio n'angelo d'o cielo sciso ccà.

M'avesse fatto maje nu pizzo 'a rise,
quann'essa passa e 'i faccio "mamma ma",
sta sempe triste, ce sarrà 'na cosa,
perciò l'aggia fermata dicennole accussì:
" Signurinella, embè parola mia,
chesta malinconia v'aggià levà
o nun so' cchiù Giuvanne simpatia
'ncatenacore d'e figliole 'e ccà.
I' nun so 'nu professore,
nun conosco 'o ben parlà,
ma si ve prumetto 'o mare,
piglio 'o mare e 'o porto ccà.
Signurinè, Giuvanne simpatia,
chesta malinconia va fa passà!"

Chesta vocca, 'nu tesoro 'e perle rare,
io vulesse tutt'a zucchero pruvà,
vuò vedè 'ca mo' sa vase quel signore
ca fa chesta vita vosta 'ntussecà.

Dico io, ma si ve serve 'nu marito,
vutateve 'nu poco 'a parte 'e ccà,
'e sti vintanne vuje ca nne facite
Pecchè, pecch'è sciupate 'a chiagnere accussì

"Signurinella, embè parola mia,
chesta malinconia v'aggià levà
o nun so' cchiù Giuvanne simpatia
'ncatenacore d'e figliole 'e ccà.
I' nun so 'nu professore,
nun conosco 'o ben parlà,
ma si ve prumetto 'o mare,
piglio 'o mare e 'o porto ccà.
Signurinè, Giuvanne simpatia,
chesta malinconia va fa passà!"

I' nun so' nu professore,
nun conosco 'o ben parlà,
songo 'nu 'ncatenacore,
penso suolo 'a me spassà.
Però pe' vuje signrinella mia
sarria capace pure 'e me spusà.

Cu Giuvanne Simpatia
ogni cosa se po' acconcià
parola mia, bellezza mia!

Se gradisci il contenuto di questa pagina seguici su Facebook e premi su MI PIACE di
"MIDI MITI MICI"
nostra pagina su FACEBOOK.