MUSICA M.I.D.I. MITI RACCONTI POPOLARI E VARIA ATTUALITA'

Autori: Musica di Giuseppe Bonavolontà, versi di Michele Galdieri; anno: 1947; interpreti: Dino Giacca, Roberto Murolo, Franco Ricci, Bruno Venturini, Fausto Cigliano, Mario Trevi, Giacomo Rondinella

Serenatella a 'na cumpagna 'e scola
Ca se chiammava...
'O nomme, no, nun mm' 'o ricordo.
Tropp'anne sò passate, 'o tiempo vola
E mò sò ttante ca mme stanco d' 'e cuntà!
Ma, comme fosse ajere,
A me mme pare d' 'a vedè
A 'o stesso banco, proprio affianco a mme.
Serenatella a 'na cumpagna 'e scola
Ca si 'a guardavo, già tremmavo, comm'a che!
Ritornello:
Vita, vita sbagliata!
Ch'aggio perduto!
Ch'aggio lassato!
Ma che ce penzo a ffà?
Va' trova, mò, addò sta
Chella felicità
ca mme puteva accumpagnà!

Cchiù tiempo passa
E cchiù mme vene a mmente
E, cchiù 'e 'na vota,
Sento 'a voce ca mme dice:
" Comm'è che allora nun capiste niente?
Io te vulevo tantu bbene, cride a me!"
" E i' pure – lle rispongo – te vulevo bbene a tte!
Pecché nun ce capettemo, pecché?"
Cchiù tiempo passa e cchiù mme vene a mmente,
Ma 'o nomme...
Niente, nun mm' 'o pozzo arricurdà!

Ritornello:
Vita, vita sbagliata! ecc..ecc...

Finale:
Serenatella a 'na cumpagna 'e scola
Ca, mme ricordo, se chiammava: "Giuventù!"