Canti e canzoni popolari siciliani

Le canzoni siciliane, passione, senso dell'ironia e gusto del salace.

L'AMURI CA V'HAIU

L'AMURI CA V'HAIU
(Autori: Esposito-Maglia)
Non lu sapiti l'amuri ca v'haiu
e non sapiti quantu vi disiu;
non lu sapiti
comu chiangiu e staiu
quann'è ca ppi mumentu
non vi viu.
Dintra di l'arma mia
na vampa cci haiu
e lu me cori è vostru e non lu miu;
si moru 'nparadisu non ci vaiu
pirchì p'amari a vui
non pensu a Diu.
E vui sapennu st'amuri e sti peni
mi lassati muriri comu 'n cani
ma oggi siddu cc'è cu vi tratteni
speru di cunvincirivi dumani.
Cchiù non m'amati
e cchiù vi vogghiu beni
chiù tempu passa e chiù
vi mannu cristiani
non mi lassati amuri 'ntra sti peni
pirchì siti ppi mia
l'acqua e lu pani.