Canti e canzoni popolari siciliani

Le canzoni siciliane, passione, senso dell'ironia e gusto del salace.

Quanta è laria la me zita

Quanta è laria la me zita, canto tradizionale
Testo:
Quant'è Laria la me Zita
Quant'è laria la me zita, tutta fradicia e purrita,
ah laria è, cchiù laria d'idda nun ci nn'è !
Avi li gammi di ferru filatu, quannu camina li etta di latu,
ah laria è, cchiù laria d'idda nun ci 'nn'è !
Avi la panza ca pari 'na vutti, quannu camina fa ridiri a tutti,
ah laria è, cchiù laria d'idda nun ci 'nn'è !
Avi lu nasu ca pari un cannolu, quannu stranuta ci voli un linzolu,
ah laria è, cchiù laria d'idda nun ci 'nn'è !
Avi l'occhi a doppiu usu, unu apertu e l'atru chiusu,
ah laria è, cchiù laria d'idda nun ci 'nn'è !
Avi li pedi a piripò, quannu camina fa sì e nò,
ah laria è, cchiù laria d'idda nun ci 'nn'è !
Avi la vucca nicaredda, quannu la grapi ci sta 'na guastedda,
ah laria è, cchiù laria d'idda nun ci 'nn'è !
Avi la facci di tavulazzu, sutta lu nasu ci spunta 'u mustazzu,
ah laria è, cchiù laria d'idda nun ci 'nn'è !
Avi li schianchi grossi grossi, quannu s'annaca fa tanti mossi,
ah laria è, cchiù laria d'idda nun ci 'nn'è !
Ma in cumpensu avi li sordi ca cummoglianu tutti li 'mbrogli,
ah bedda è, cchiù bedda d'idda nun ci 'nn'è.