MUSICA M.I.D.I. MITI RACCONTI POPOLARI E VARIA ATTUALITA'

TESTO

P''o munno, che ce sta
cchiù bella 'e 'sta città?
È bella, notte e juorno,
d'autunno, 'e vierno, d'està...
Cu''a luna, a primmavera,
o cu''na notte nera,
ccà, quanno scenne 'a sera
'e stelle ce hanna sta...
Ritornello:
E pe' Pusilleco,
pe' copp''o Vommero,
pe' Margellina...
'sti lluce luceno ,
tremmanno pèrciano
ll'oscurità...
E tanto luceno
ch''e stelle so' ggelose 'e lloro,
gelose 'e Napule
ch'è tutta 'na muntagna d'oro.
Ma 'e stelle 'e Napule
cchiù belle e llimpide,
si 'o vvuo' sape'
so' 'sti brillante ca tu puorte 'nfronte a tte...
'St'uocchie che abbruciano,
ca cchiù s'appicciano,
guardanno a mme!
Se tutto chestu ccà
nun è na nuvità,
e tutte ll'hannu ditto ,
e ll'hanno scritto, che fa?
Certo che quanno 'a vide,
tu stesso nun 'o ccride!
'Sta Napule che rride
è 'na felicità!
Ritornello:
E pe' Pusilleco,
pe' copp''o Vommero ,
pe' Margellina...
ecc. ecc.
Finale:
Che cosa può truvà
cchiù bello 'e 'sta città!