MUSICA M.I.D.I. MITI RACCONTI POPOLARI E VARIA ATTUALITA'

Musica di Vittorio Fassone(Napoli 1872 - Palermo 1953)
Testo di Giuseppe Capaldo

Chi 'ncielo vo saglì... vene a vedè
'sta luggetella fravecata 'e sciure!
ncopp' 'a 'sta loggia ca fa stravedè
A cchiù bella 'e Pusilleco nce stà.

Coro: Chi 'ncielo vo saglì... vene a vedè.

Quando s'affaccia 'mmiez' 'e rrose rosse
para ca spont' 'o sole a mmatutina,
resta abbagliato chillo ca nce passa,

Coro: Quando s'affaccia mmiez' 'e rrose rosse.

II

Ll'uocchie che tene so 'na rarità:
comm' o culore d' 'a marina nosta
ma si 'stu mare bello fa ncantà:
'sta nenna, cu chill' uocchie fa murì!...

Coro: Ll'uocchie che tene so 'na rarità!

Cu cchelli ttrezze d'oro e prelibbate
'na rezza ne vò fa nu piscatore
pe se piscà nu core ch'ha perduto

Coro: Cu cchelli ttrezze d'oro e prelibbate.

III

Ha fatte pur' 'o sole 'nnammurà
ch' 'a sera se ne scenne 'npecundria!
M'ha fatto o suonno perdere pe ccà
'sta bella 'e stu paese pur' a mme

Coro: Ha fatte pur' 'o sole 'nnammurà.

Ncopp' 'a sti manduline e 'sti cchitarre
voglio cantà: "Pusilleco fiurito!"
'sti sciure 'e pponno fa sulo sti tterre.

Coro: Ncopp' 'a sti manduline e 'sti cchitarre.
Voce e coro: Pusilleco, Pusì!

Sopra una stampa tratta da "Usi e Costumi di Napoli e contorni descritti e dipinti", una riedizione pubblicata da Marotta editori, ma edita per la prima volta da Francesco de Bourcard nel 1857.