Elenco alfabetico canzoni presenti su midi-miti-mici.it

A-B C-D E-F-G-H-I J-K-L M-N O-P-Q-R da S a Z

La canzone napoletana, passione e sentimento - 18



'A sirena


(Autori: Versi di Salvatore Di Giacomo, musica di Vincenzo Valente; 1898; interpreti: Mario Abbate, Franco Ricci, Pasquale Amato, Vittorio Parisi, Antonello Rondi, Nicola caprio)
IL TESTO:

Quanno 'a luna, affacciánnose 'a cielo,
passa e luce e, 'int'a ll'acqua, se 'mmira
e ce stenne, d'argiento, nu velo,
mentre 'o viento d''a sera suspira;
quanno io sento, pe' st'aria addurosa,
comm''a voce d''a terra luntana,
lenta lenta, suná na campana...
'ntenneruto, mme metto a vucá...

Tutte mme diceno:
" Pe' sotto Pròceta,
si passe, scánzate,
ca c'è pericolo!
Ce sta na femmena
ca 'ncanta ll'uommene...
s''e cchiamma e, a ll'úrdemo,
po' 'e ffa murí!"

Ah!...voca, vo'...

Ma na Santa tengo io ca mme prutegge
e mme scanza p''a via:
Santa Lucia...Santa Lucia...

Voca voca!...'a 'i' ccá
Pròceta nera,
sott''o cielo sereno e stellato...
'a vi' ccá, 'mmiez'a st'aria d''a sera,
tale e quale a nu monte affatato...
'A vi' ccá...che silenzio, che pace!
Ll'ora è chesta d''a bella sirena
scenne, sciulia, s'abbía 'ncopp''a rena...
e nu segno, cu 'a mano, mme fa!...

Na voce amábbele
tremma pe' ll'aria:
" Scánzate, scánzate!...
ca staje 'npericolo...
Chest'è na femmena
ca, sotto Pròceta,
'ncantáte, ll'uommene,
fa rummané..."

Ah!...voca, vo'...

Ma na Santa tengo io ca mme prutegge
e mme scanza p''a via...
Santa Lucia...Santa Lucia...

Voca voca, 'a sirena mm'aspetta...
mme fa segno e, cantanno, mme dice:
" Piscató', vuó' cagná 'sta varchetta
cu nu regno e na vita felice?"
Voca fore! 'Sta voce 'a cunosco...
Chi mme chiamma se chiamma Isabella...
Prucetana, si' 'nfama e si' bella...
e mme stive facenno murí...

Na voce amábbele
tremma pe' ll'aria...
Ma è tutt'inutile,
nun mme pò vencere!...
Saccio a 'sta femmena
ca, sotto Pròceta,
'ncantate, ll'uommene,
fa rummané!...

Ah!...voca, vo'...

Ma na santa tengo io ca mme prutegge
e mme scanza p''a via:
Santa Lucia...Santa Lucia...



Per scaricare il file midi pigia sul tasto "Download midi file":



Pagine con testo, files midi e video Youtube



Le pagine di canzoni napoletane

Pag.
1 pag.
2 pag.
3 pag.
4 pag.
5 pag.
6 pag.
7 pag.
8 pag.
9 pag.
10 pag.
11 pag.
12 pag.
13 pag.
14 pag.
15 pag.
16 pag.
17 pag.
18 pag.
19 pag.
20 pag.
21 pag.
22 pag.
23 pag.
24 pag.
25 pag.
26 pag.
27 pag.
28 pag.
29

Elenco alfabetico canzoni presenti su midi-miti-mici.it

A-B C-D E-F-G-H-I J-K-L M-N O-P-Q-R da S a Z