MUSICA M.I.D.I. MITI RACCONTI POPOLARI E VARIA ATTUALITA'

Uocchie c'arraggiunate
Musica di R.Falvo,
Versi di Falcone Fieni

St'uocchie ca tiene belle,
lucente cchiù de stelle,
sò' nire cchiù do nniro
só' comm'a duje suspire...

Ogne suspiro coce,
ma tene 'o ffuoco doce...
e, comme trase 'mpietto,
nun lle dá cchiù arricietto.

E chi ve pò scurdá,
uocchie ch'arraggiunate
senza parlá? Senza parlá?
A me guardate sí...
e státeve nu poco,
comme dich'i'...
comme dich'i'...
comme vogl'i'!...
Sò nire: cchiù sblennente
'e ll'ebano lucente!
Comm'a na seta fina
só' ll'uocchie 'e Cuncettina.
Sempe ca 'e ttèngo mente,
nce trovo sentimente...
pecché nce sta nu vezzo,
ca i' guardo e ll'accarezzo.
Ritornello:
E chi ve pò scurdá,
uocchie ch'arraggiunate...

Sciure e frónne addirose,
nun cerco tanta cose...
Né 'a cchiù bella guagliona,
si è ricca, mm'appassiona...
Ma tutta simpatia,
ma tutta vita mia,
mme giova o mm'arruvina,
só' ll'uocchie 'e Cuncettina!
Ritornello:
E chi ve pò scurdá,
uocchie ch'arraggiunate...