MUSICA M.I.D.I. MITI RACCONTI POPOLARI E VARIA ATTUALITA'

La tarantella(autori: anonimo del 1770 circa; rielaborazione del 1845 di Achille Lauzieres e Francesco Florimo; interpreti: Sergio Bruni, Romano Zanotti

Jammo a bedere 'nterr'a la rena
Mentre ca spanfia la luna chiena,
Ch'è notte e pare fosse matina,
Li pescatore de Margellina
Ca te combinano friccicarella,
La tarantella, la tarantella!
Ca te combinano friccicarella,
La tarantella, la tarantella!

Ritornello:
E tirituppete, ttuppete, ttuppete,
ttuppete, ttuppete, ttuppete, ttù
e tirituppete, ttuppete, ttuppete,
la tarantella la llara lla llà.

'N'ommo e 'na femmena 'mmiezo se fanno,
A fà rociello la gente stanno,
Ma co' malizia, lo pescatore,
Mentre ch'abballa sa fà ll'ammore.
Non è sortanto pazziarella
La tarantella, la tarantella!
Non è sortanto pazziarella
La tarantella, la tarantella!

Ritornello:
E tirituppete, ttuppete, ttuppete,

Isso la 'nvita, chella è scornosa,
Po' fa la spruceta, po' n'è gelosa,
Po' nc'è ll'appicceco, 'nguerra se stace,
Po' s'addenocchiano, po' fanno pace.
Tutta specifica, polita e bella,
La tarantella, la tarantella!
Tutta specifica, polita e bella,
La tarantella, la tarantella!

Ritornello:
E tirituppete, ttuppete, ttuppete,

Ah, vorria essere 'no marenaro
E chillo spasso, ch'è tanto caro,
'Mmiez'a 'sta Chiaja, ch'è 'no piacere,
Nce pigliarriamo tutte le ssere!
Po' vedarrisse si non è bella,
La tarantella, la tarantella!
Po' vedarrisse si non è bella,
La tarantella, la tarantella!

Ritornello:
E tirituppete, ttuppete, ttuppete,ecc.ecc...