Oggi è Venerdi' 19/04/2024 e sono le ore 19:03:10
Nostro box di vendita su Vinted
Condividi questa pagina
Oggi è Venerdi' 19/04/2024 e sono le ore 19:03:10
Nostro box di vendita su Vinted
Condividi questa pagina
Nostra publicità
Penzamme 'a salute
(Pisano - Gaetano Lama)
Tu mm'hê lassato...
tu mm'hê traduto...
che mme ne 'mporta nèh?!
che mme ne 'mporta nèh?!
Mme stó' facenno 'e cunte â fino mese,
sparagno 'a copp'a mille lire 'e spese
ca sciupavo pe' te!
Mo mme ne vaco sulo pa marina,
mo mme ne vaco a pede a Margellina...
E 'e solde ca spennévo,
quanno jévamo 'ncarruzzella...
Mo...
mme n'accatto pizze cávere
e muzzarella!
Mo stóngo allero,
faccio 'o signore...
pe' dinte varietá,
sciantose 'a ccá e 'a llá...
P'avé n'abbraccio 'a te, nun pare overo,
aveva fá n'esposto ô Ministero...
mme facive sperí...
E quanno na resélla
mme facive,
sempe quacche regalo 'a me vulive...
E 'e solde ca spennévo
pe' n'abbraccio e nu surriso...
Mo...
mme n'accatto vino 'e Pròceda
e palle 'e riso!
Io nun durmevo,
io nun mangiavo:
Penzavo sempe a te...
penzavo sempe a te...
Si mme facevo nu vestito astrinto,
doppo tre ghiuorne ce abballavo 'a dinto...
Mm'ero fatto accussí...
Mo invece tutta rrobba mme va stretta,
se scósono 'e buttune da giacchetta...
e 'e solde ca spennévo
pe sserénghe 'e Zambellette,
Mo...
mme n'accatto carne 'e piécuro
e cutalette!