MUSICA M.I.D.I. MITI RACCONTI POPOLARI E VARIA ATTUALITA'

Versi di Luigi Cioffi, musica di Giuseppe Cioffi, interpretazioni di Maria Nazionale, Mario Caputo, Massimo Ranieri, Sergio Bruni, Tony Bruni, Giacomo Rondinella, Salvatore Cautero, Gianni Talento, Antonio Buonomo, Enzo Romagnoli
Jéva vennenno casa pe' casa...
'o sapevano 'a guagliunciello:
'o chiammavano 'o rammariello...
E deva 'a voce: "Chi vò' fá spese!?..."
E accattavano 'e ffigliulelle
ca s'avevana mmaretá...

- Tengo cuperte 'e raso
po lietto 'e sposa...
Pavate a tanto 'o mese,
facite spese! -

Deva 'a voce stu rammariello
ca penzava sulo a cantá...
Era ancora giuvinuttiello:
chella fine nun ll'êva fá!

E capitaje 'ncopp'a na casa...
llá ce steva na figliulella
ch'era 'o sole tant'era bella...
Isso dicette: "Si vuó' fá spese,
ccá sta 'o core do rammariello...
teccatillo...to puó' pigliá!"

- Tengo 'a cuperta 'e raso
po lietto 'e sposa...
Mme piglio a tanto 'o mese...
na bella casa...-

Dinto core do rammariello
giá cantava 'a felicitá
giá vedeva 'sta nénna bella,
dinta cchiesa, pe' ghí a spusá!...
Ma va' sapenno, 'sta nénna bella,
ca dint'a ll'uocchie teneva 'o cielo
e teneva na vocca 'e mèle...
s'era scurdata 'e nu 'nnammurato
ca, dinto core teneva 'o ffèle,
e giurava 'e se vendicá!

- tengo cuperte 'e raso
po lietto 'e sposa... -
S'arretirava â casa
'mbriaco 'e vase...

E cantava stu rammariello,
nun puteva maje 'mmagginá
ca 'o curtiello da marennella
lle serveva pe' se salvá!

- Tengo cuperte 'e raso
po lietto 'e sposa... -
Mo cchiù nun ll'hanno 'ntiso
casa pe' casa...

Chistu povero rammariello
ca penzava sulo a cantá,
mo sta 'nchiuso dinte ccancelle...
chella fine nun ll'êva fá!